Saturday, March 19, 2011

Semadi Nadai Agi Parti

Oh antu, sinu aku meda kitai Iban. Selalu "nyamai belaya dulu ari belaya ila". Tu meh utai ti kedeka sida Mamut & BN. Tak digiga sida bala parti pemangkang belaya. Tang sayau bala kitai Iban ba SNAP lalu enda mereti.

Baru manah manah PKR mai perau ke ulih ditepan kitai Iban ngicha ke ulih meruan.

Baru datai sida semenanjung mai panjong ngicha ke kitai Iban tau merengung. Enda mukai mukai ga SNAP mai terabai nyilat penatai sida ari seberai.

Tak kerah kerah sida SNAP ngumbai diri udah nyadi manah lalu tau mai pengubah ngasuh kitai Iban badu bepechah.

Nama tuju SNAP bakatu. Sapa enda nemu SNAP nadai duit, tang diatu nyau madah bisi orang sponsor. Reti nya enti nadai orang sponsor, nadai meh SNAP. Baka leka jako orang putih SNAPPED - patah. Uji peda bala sida calon SNAP, berapa iko ia ke bisi duit mimit. Kemayuh agi nya tak kering. Mayuh kapa kapa. Engka amat sekeda ari sida nya ila bisi utai ulih, tang kemayuh agi menik menik aja mata.

Ukai ku ka bejai sida SNAP, peda Edwin Dundang, nadai ga duit, Stanley Jugol, nadai ga duit. Bakani ka nyadi President etc. Candidate pan nadai sida. Ia ke temu aku sekeda bala SNAP mayuh betalipaun ngagai candidate PKR ngasuh sida nya melompat. Bakani tu ka nyadi. Uji sida SNAP anang beguai mayuh macham. Deliver first perau Pemangkang, nya baru berunding. Enti SNAP menang kerusi 16 + 20 + ? = 40. Pelaba aku nadai jalai. BN nemu, enti one-to-one fight, peluang BN alah endang besai. Tang enti 3 tauka 4 calon belaban, berani aku betui BN menang. YOU CAN CUT MY THROAT ko YB Gabriel Adit ba Batang Ai suba.

Amat munyi ko jako kaban siko. It takes a few Dayaks to kill a million Dayaks. Ko James Brooke, it needs A DAYAK TO KILL A DAYAK. Bakani kati, pengawa SNAP tu meh nganchur ke harapan kitai Iban. Enti ulih, for the sake of Iban/Dayaks anang meh sida beguai demand mayuh seats. Nya ga udah di perandau ke sida suba.

Peda PBB, ngumbai PKR bam, lapa sida enda meri mayuh agi seat ngagai PRS, SPDP enggau mayuh agi post ngagai kitai Dayak ba PBB. Sida semina nemu nganu PKR, tang sayau SNAP kena panjuk.

Semadi Nadai Agi Parti

7 comments:

bungaiterong said...

Suba bisi parti PBDS , cukup arap bansa dayak ngau parti tu . Entah nama kebuah alu kena panjuk . Bakanya meh iban ari di pegai james brook alu sampai ngayuh perau sedadu jipun mudik , diatu bekuli ga ngau tanah diri empu . Udah tu sapa agik diatas kitai dayak . Nama ndai bisi siko bansa dayak kitai iban berani ninggal anak bini ngica enda mengkang baka ngelama tu !!!!

Orang Panggau said...

SNAP lebih bepangaruh ba kaum Dayak ti dibanding ka enggau PKR. Bakal calon PKR pun sama nadai duit, semina nganti Anuar meri duit kena bepilih.. Nya alai ketegal SNAP n PKR nadai persefahaman nunjuk ka Pakatan pembangkang akan kalah PRN tu..

Anonymous said...

asuh kirah dulu bala pengaruh cdak, ngai k ndak bisa.

apai irau said...

Ngagai penulis Semadi Nadai Agi Parti,aku ka madah soh nuan,enda orang ngumbok nuan engau bala bukai ti begedi ke Snap masuk Snap.Enti nuan ukai penyukung Snap,atur meh enggau manah parti kita,kayuh ke perau kita.Maia bepilih tu ila PKR deka bediri ba maioh sitak,arinya campaign bebendar ka akih awak ka maioh menang,enda lebu kita terit rekong madah ka PKR kering.Anang mina pandai ngaga petenah baka Antu Buyu Vernon Kedit ba blog Antu Beduru,tang nadai siti bukti.Ti ka ngaga analisis nadai salah,tang enti semina ka nulis ketegal pengeringat ka Snap,nadai guna nya akih.Semina nuduh Snap ka ngetau umai PKR nya jako ke salah,laban enti ka belaban ke penemu sigi enda nemu abis.Snap udah kala megai perintah menua Sarawak lalu udah bediri ba maioh tempat SEBEDAU PKR ADA.Reti nya Snap dulu ngereda dulu neresa menua akih,ukai PKR.Nya alai,ngagai bala kita ka begedi ke Snap ,degi ka meh PKR enggau bebendar tang anang klalu mantah Snap baka Antu Buyu.Ngagai Antu Buyu,aki ia Ivory Kedit enggau aya ia Mathew Dana sama tau di kumbai raban committee founding members Snap taun 1961 menya.Nya alai pesan aku ngagai Antu Beduru anang klalu nganu Snap enggai ka semengat aki aya ia ngeregau ia di menua.

Anonymous said...

Anang maioh jako mantah SNAP, nadai penyalah parti tu bediri in every election. Butoh kita ke bejaie SNAP...Dilat kita meh parti ke ngabis ke menoa aki ini nuan antu beduru , antu rangka and antu buyu...

Anonymous said...

Pengawa bepilih baru ka nyadi..kitai udah belaya..nyengki pangan diri. Endang patut kitai seruran alah lalu dikemeli ke orang belama-lama laban nadai runding deka ngalah ke diri serta ngemaruh ka diri. Penyakit nya meh ngasuh tuai kita enda ulih begempung enggau pangan diri, anangka deka ngempun bansa diri. Ti di bai tauka diceh ( Baka ukoi )belaya sigi lumur satu.

Ti nith ka patut, TARGET pengawa bepilih taun tu NUMBANGKA PERINTAH BN SARAWAK serta NGERINGKA BANSA ENGGAU MENUA. Ukai kitai deka malas penyai orang ketegal udah tasah kena perinsa ari kelia..tang pengabis nadai ngayan ke bansa diri kering runding serta bisi pengelandik ngeluan ke perau. PKR tau menang, SNAP tau menang, PCM tau menang, BEBAS pan tau menang, asal aja perintah BN tumbang. ANANG BELAYA...

Nembiak Baru said...

Kami nembiak rebak baru ka ke perubahan dalam pengidup serta ka bisi pemimpin dayak lantang bejaku membela bala kitai raban dayak.