Kami bisi nerima sebengkah penerang ti nyukong berita ti dipansut ke kami pasal perambu besalam enggi Dato’ Seri Najib Tun Razak enggau Pehin Sri Abdul Taib Mahmud. Baka ti kala udah dipansut ke, orang dalam kami ngayan ke Putrajaya deka ke Taib badu mangku pengawa iya, lalu minta iya nyerah ke kuasa iya soh Kepala Menteri bebansa Iban awak ke bala pengundi Iban meri sukong ti penoh sida maia pengawa bepilih besai bulan Januari 2011 tu ila.
Kepala Menteri Iban nya, Datuk Patinggi Tan Sri Alfred Jabu anak Numpang, semina deka nyadi Kepala Menteri enda lama aja. Udah nya iya deka nyerah ke kuasa iya soh petunggal Taib empu, iya nya Datuk Seri Dr. Mohd. Effendi Norwawi, udah bekau BN menang besai, terima kasih ke sukong bala pengundi Iban ti nyukong Kepala Menteri Iban.
Berita ti pengabis baru diterima kami ngayan ke Effendi pan enda lama mega nyadi Kepala Menteri! Iya ti amat-amat diator nyadi Kepala Menteri nganti Taib iya petunggal diri menyadi iya empu, iya nya Datuk Norah Abdul Rahman, ti benong mangku pengawa nyadi kaban parlimen Tanjong Manis. Indai Taib enggau apai Norah, iya nya gabenor enggau Kepala Menteri ti dulu Tun Abdul Rahman Yakub, endang diri menyadi. Dulu ari tu, semina berita angin aja ditemu pasal Norah ti deka nganti Taib, tang diatu berita nya endang ditemu amat sereta betul.
Perambu tu semina ngasoh Effendi mangku pengawa Kepala Menteri empat-lima taun aja, laban dikena muka jalai ke Norah megai kuasa ba PBB. Ba maia ti betul ila, Effendi lalu badu nyadi Kepala Menteri ti endor pengawa bepilih mit dipejalai ke dikena ngangkat ke Norah nganti iya. Enggau chara tu, Norah diangkat ke nyadi Kepala Menteri indu ti ke terubah ke menoa Sarawak, lalu pia mega menteri indu ti ke terubah nyadi tuai perintah di Malaysia.
Semina siti penanggol ti disadang ditapi Norah, iya nya Datuk Amar Abang Abdul Rahman Zohari Tun Abang Haji Openg, tau ke mudah agi disebut orang Abang Jo. Abang Jo tu tuai bala Melayu dalam PBB. Berita ti ditemu kami madah ke perintah besai di Putrajaya rindu agi ke Abang Jo nganti Taib. Berita angin mega bisi didinga pasal laya besalam dalam PBB, lalu Taib disadang bisi amat pengirau-ati ke semoa orang dalam PBB. PBB diatu nyau mupok-mupok bepechah.
Pulai ngagai perambu Taib ti deka ditukar enggau Norah, Taib deka berasai likun, laban Putrajaya enda tau enda ngamat ke semaia sida enda tau ‘masok champur’ dalam politik menoa Sarawak, lalu Taib deka idup enggau ati ti lantang.
KUASA TI DITURUN KE NGAGAI SERAK TUBOH TI DUDI DI MENOA SARAWAK
▼
▼
▼
▼
Kepala Menteri Sarawak ti baru.
▼
▼
▼
▼
Kepala Menteri Sarawak ti baru.Kuasa raban orang diri sebilik di Sarawak.
Taja pan baka tu, perambu besalam tu bepanggai amat ba sukong bala Iban soh BN, lalu niri ke Kepala Menteri Iban, Jabu, ti disadang enti SNAP ninggal ke Pakatan Rakyat dikena mechah ke undi Iban. Diatu, Kepala Menteri Iban semina bepanggai ba undi Iban, pengundi ti pemadu maioh di Sarawak. Agi tau ke enda bala pengundi Iban dibeli ngena duit seratus-dua, projek-projek MRP, dua-tiga peti Oranjeboom enggau selampang-dua babi panggang?
2 comments:
A pity since I do not understand this language, which I suspect is Iban. I wish the writer would write in BM the national language, or English, which is the int'l language. Then, more ppl can share and comment.
Scroll down to next posting for English translation.
Post a Comment